Usa ka Petsang Angayng Dili Nimo Hikalimtan

Sa gabii una siya mamatay, si Jesus nakig-ambit sa usa ka walay-lebadurang tinapay ug sa usa ka kopang bino uban sa iyang mga apostol ug miingon: “Padayong buhata kini sa paghandom kanako.”—Lucas 22:19.

Karong tuiga ang pagsaulog mahitabo sa Biyernes Abril 14 human sa pagsalop sa adlaw. Ingong resulta sa sugo ni Jesus, milyonmilyong Saksi ni Jehova ug interesadong tawo sa tibuok kalibotan magtigom niining linaing gabii sa pagsubli sa maong Memoryal sa paagi nga gisugo ni Jesus. Ikaw labing mainitong gidapit sa pagpakigtigom kauban namo. Palihog pakisusi sa mga Saksi ni Jehova sa inyong dapit alang sa eksaktong oras ug dapit sa tigom.