Pagmata!—Gibasehan sa Usa ka Pasulit

SA DIHANG gipakli sa mga estudyante sa nasod sa Suriname sa Amerika del Sur ang ilang pulyeto sa entrance examination sa hayskul niadtong Hulyo 1993, ilang nadiskobrehan nga dunay bentaha ang regular nga magbabasa sa magasing Pagmata! Tungod kini kay halos katunga sa mga pangutana sa 36-ka-panid nga pulyeto, nga giandam sa Examination Bureau sa Ministry of Education, gibase sa duha ka artikulo gikan sa Pagmata!

Ang mga panid 1 hangtod sa 9 nagpasiugda sa artikulong “Mga Purok sa Barongbarong​—Lisod nga mga Panahon Diha sa Dakbayanong Lasang,” nga migula sa Pagmata! niadtong Oktubre 8, 1992. Adunay 21 ka pangutana nga nagsulay sa pagsabot nianang materyala. Ang mga panid 10 hangtod 16 sa pulyeto sa eksaminasyon naundan sa 14 ka pangutana bahin sa artikulong “Ang Capybara​—Sayop o Kahibudnganan sa Kalalangan?,” nga migula sa Pagmata! niadtong Septiyembre 22, 1992.

“Pinaagi sa paggamit niining mga artikuloha sa pagsusi sa pagsabot sa mga estudyante sa tibuok nasod,” matud sa usa ka prinsipal sa kasadpang bahin sa Suriname, “gipakita sa mga awtoridad sa tunghaan nga ilang gilantaw ang Pagmata! ingong hularan sa hustong gramatika ug laktod apan kompletong pagsulat.”

Kon buot kang makabaton ug kopya sa Pagmata! o buot nimo nga dunay moduaw sa inyong balay aron hisgotan kining maong butang, palihog pagsulat sa Watch Tower, P.O. Box 2044, 1099 Manila, o sa haom nga adres nga nalista sa panid 5.