Kinsa Gayod ang Nagamando sa Kalibotan?

Kanang makaiikag nga pangutana mao ang ulohan sa usa ka tract nga giapod-apod sa mga Saksi ni Jehova. Sa miaging tuig usa ka babaye gikan sa Mississippi, T.B.A., misulat: “Sa dihang gipangutana ako sa usa ka batan-ong lalaki nianang pangutanaha, ako dili segurado sa akong tubag.” Siya miingon: “Daw alang kanako ang kalibotan wala mandoi sa paagi nga giuyonan sa Diyos.”

Dayon midugang siya: “Akong nabasa sa Kasulatan nga gipakita niana nga tract nga wala nako masabti niadto sa bug-os kon unsay gisulti sa Bibliya kanato bahin nianang butanga. Usa sa among mga awitonon sa Pasko, ‘Joy to the World,’ nag-ingon nga nagmando ang Diyos sa kalibotan, nga, sa pagkatinuod, maoy malimbongon.”

Ang babaye mihinapos: “Dili ako kasagarang mosulat niining matanga sa sulat apan mibati nga kamo angayng pasaligan nga labing menos niining higayona, ang inyong buhat gipabilhan.”

Ang mga Saksi ni Jehova nagtultol sa katawhan sa kon unsay gisulti sa Bibliya bahin sa hinungdanong mga ulohan nga nagaapektar sa atong mga kinabuhi. Kon buot nimo ang usa ka kopya sa gihisgotan sa itaas nga tract o nagtinguha ug usa ka pagtuon sa Bibliya sa balay nga walay bayad, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5.