“Nanaligdig ang mga Luha sa Akong Aping”

“Bag-o pa lang nakong gipakli ang Marso 8, 1995, nga Pagmata! ug gibasa ang artikulo sa hapin sa likod nga nagtanyag sa brosyur nga Sa Dihang ang Imong Minahal Mamatay. Ang artikulo nag-ulohang ‘Malisod Kaayo nga Magdako nga Wala Siya.’ Nanaligdig ang mga luha sa akong aping samtang akong gibasa ang mga komento gikan sa usa ka batan-on sa Austria kansang amahan namatay napulo ka tuig kanhi. Ako 50 anyos, ug namatay ang akong amahan sa dihang nag-edad ako ug 7 anyos. Namatay siya sa kanser sa edad nga 39 anyos. Bag-o pa lang akong nagbangotan sa iyang kamatayon sa dihang naospital ako gumikan sa grabeng depresyon unom ka tuig kanhi. Nagadawat ako ug pagtambal sulod sa milabayng lima ka tuig ug kinahanglang makakat-on sa pagsagubang sa pipila ka lisod kaayong mga kahimtang.

“Hangtod nabasa nako kining sulat gikan sa Austria, ako nagtuo nga may dakong apan kanako o sa akong pagtuo. Ako naghunahuna nga ako lamang ang tawo nga aduna niining dakong kahaw-ang sa kahiladman ug hilabihang kasakit sa kamingaw sa akong amahan. Makapadasig kaayo ang pagkahibalo nga wala ako mag-inusara ug nga adunay uban nga mibati sama sa akong gibati.

“Nabasa nako ang tibuok brosyur nga Sa Dihang ang Imong Minahal Mamatay. Kana, sa akong hunahuna, ang kinamaayohang publikasyon nga nasulat sukad alang sa akong panginahanglan.”​—Gng. A. G., Connecticut, T.B.A.

Namatyan ka ba ug minahal? Buot ba nimong makadawat sa tinuod nga paghupay nga gihatag sa Bibliya? Nan batiang libre nga mohangyo ug usa ka kopya niining 32-panid nga brosyur pinaagi sa pagsulat sa Watch Tower, P.O. Box 2044, 1099 Manila, o sa nahiangay nga direksiyon nga nalista sa panid 5 niining magasina.