‘Ang Matag Tawo sa Yuta Kinahanglang Mobasa Niining Publikasyona’
ANG usa ka magbabasa gikan sa Alabama, T.B.A., mipahayag ug kinasingkasing nga apresasyon alang sa Pagmata! ug misulat:
“Bag-o pa nakong nabasa ang usa ka daang isyu sa magasing Pagmata!, nga nag-ulohang “Madaogon Bisan Atubangan sa Kamatayon.” (Mayo 8, 1993) Wala ako makahunong pagbasa niini. Kini tugob sa impormasyon, tinuod, ug edukasyonal.
“Akong gihunahuna nga ang matag tawo sa yuta kinahanglang makabaton ug kahigayonan nga basahon kining maong publikasyon!”
Ang Pagmata! gipatik sa 78 ka pinulongan aron sa paglamdag sa uban. Ang mga artikulo niini naghisgot sa relihiyon ug siyensiya, maingon man sa sosyal, emosyonal, ug pamilyahanong mga isyu nga anaa sa mga hunahuna sa daghang katawhan.
Kon buot nimong makadawat ug Pagmata! o buot nimong may moduaw sa imong balay aron sa paghisgot sa bili sa edukasyon sa Bibliya uban nimo, palihog pagsulat sa Watch Tower, P.O. Box 2044, 1099 Manila, o sa adres nga haduol kanimo nga nalista sa panid 5.