Maoy Iyang Gipangita ang Pagkamatinud-anon

Usa ka dalagita sa Ecuador miadto sa usa ka interbiyo sa trabaho. Human nakigsulti sa ubang mga aplikante​—nga tanantanan 36​—nakita niya nga gamay ra ang iyang purohan. Sila may kasinatian sa trabaho ug edukasyon sa kolehiyo, samtang siya wala. Ug sa unom ka pangutana nga gisukna, duha ang iyang sayop nga tubag. Apan, usa ka pangutana maoy personal: “Unsa ang kamatuoran alang kanimo?”

Ang babaye mitubag: “Ang kamatuoran maoy dili usa ka teoriya lamang kondili maoy usa ka butang nga kita angay magkinabuhi. Kita kinahanglang mosulti sa tinuod ug dili kabakakan, kay kon kita mamakak, ginasunod nato ang mga paagi ni Satanas nga Yawa. Kon mosulti kita sa tinuod, atong mapahimut-an ang Diyos ug makabaton ug daghang personal nga mga kaayohan.”

Sa dihang gipangutana sa manedyer ang relihiyon sa babaye, siya mitubag nga siya usa sa mga Saksi ni Jehova. Sa pagkasunod adlaw siya gipahibalo nga siya ang napili alang sa trabaho. Usa ka bulan sa ulahi gipangutana sa babaye ang manedyer kon nganong siya ang gipili niya, ug siya miingon nga kadto maoy tungod sa iyang pagkamatinud-anon.

Dili ba tinuod nga daghang tawo karon dili matinud-anon? Sa laing bahin, ang mga tawo nga nagtahod sa Bibliya ilado sa ilang pagkamatinud-anon. Ang Bantayanang Torre sa Hulyo 1, 1995, miingon: “Sa Bibliya, ang ‘kamatuoran’ dili gayod sama sa yanong teoriya, dili-matukib nga ideya nga gilantugian sa mga pilosopo.”

Ikaw makabatog kaayohan gikan sa regular nga pagbasa sa Ang Bantayanang Torre, nga ilado sa tibuok kalibotan ingong usa ka manlalaban sa kamatuoran sa Bibliya. Kon buot nimo nga makabatog usa ka kopya o buot nga may usa ka pagtuon sa Bibliya sa balay nga walay bayad, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5.