Ang Pagmata! Nakatabang sa Pagluwas ug Kinabuhi

Samtang usa sa mga Saksi ni Jehova sa Ecuador nagpaabot sa usa ka mekaniko aron taposon ang pag-ayo sa iyang kotse, gisultihan sa asawa sa mekaniko ang Saksi nga siya nabalaka bahin sa iyang masusong batang anak nga lalaki, si Byron. Lima o unom ka beses sa usa ka semana nga makombulsiyon siya, ug ang mga doktor wala makaagpas sa sakit. Gidala na gani si Byron ngadto sa mga espesyalista sa Quito, ang kaulohang siyudad.

“Samtang nakig-estorya uban sa inahan,” ang Saksi nagpatin-aw, “nakamatikod akog usa ka trabahante nga namintal ug kotse, ug nahinumdom ako sa artikulo sa Pagmata! bahin sa pagkahilo sa tingga. Ang artikulo naghisgot nga usa sa mga simtoma sa pagkahilo sa tingga mao ang mga kombulsiyon. Gisultihan ko ang babaye nga dalhan ko siya sa artikulo.”

Sa dihang gibasa sa mga ginikanan ni Byron ang artikulo, gipasusi nila ang ilang anak labot sa pagkahilo sa tingga. Ang taas nga gidaghanon sa tingga nakaplagan sa dugo ni Byron. Ang medikal nga pagtambal ug pagsanta sa dugang pagkaladlad sa tingga misangpot sa talagsaong pagkaarang-arang sa panglawas ni Byron. “Sa miaging upat ka bulan siya wala na makombulsiyon bisag kas-a,” matod sa Saksi. “Ang amahan sukad niadto nakighisgot sa daghang doktor bahin sa kaso, ug siya kanunayng nagpasidungog sa Pagmata! sa pagluwas sa kinabuhi sa iyang anak. Karon bisan ang pipila niini nga mga doktor nagabasa na sa Pagmata!”

Kami masaligon nga ikaw usab makabaton ug kaayohan pinaagi sa pagbasa sa Pagmata! Kon buot nimo nga makabatog usa ka kopya o buot nga may usa nga moduaw sa imong balay aron hisgotan ang Bibliya uban kanimo, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5.