‘Palihog Kuhai Akog 100 ka Kopya’

Si Hildegard, usa ka Saksi ni Jehova nga nagpuyo sa Alemanya, naghatag sa iyang gynecologist ug usa ka kopya sa Pagmata! sa Pebrero 22, 1995! Ang magasin naundan sa seryal sa mga artikulo nga nag-ulohang “Usa ka Mas Maayong Pagsabot sa Menopos.”

Sa ulahi, sa dihang nakaduaw ang anak nga babaye ni Hildegard sa samang doktor, iyang nasayran nga gibasa niya ang mga artikulo. Siya naghangyo: “Palihog pangutan-a ang imong inahan kon siya makakuha nakog usa ka gatos ka kopya.”

Sa dihang gihatod ang magasin, ang doktor miingon: “Ayawg hunahunaa nga ako mahimong usa sa mga Saksi ni Jehova. Apan kini nga mga artikulo bahin sa menopos gisulat nga matulon-anon kaayo nga angay kining basahon sa akong mga pasyente.”

Wala magdugay human niadto, nadungog ni Hildegard nga gidawat dayon sa iyang mga pasyente ang mga magasin. Ngani, usa ka babaye miingon nga siya dili lamang kay nalipay sa mga artikulo bahin sa menopos kondili usab sa ubang mga artikulo sa magasin. Busa mitelepono si Hildegard sa opisina sa iyang doktor sa pagsukna kon gikinahanglan pa ang dugang nga mga kopya. “Makabaton pa ba kamig laing usa ka gatos?” nangutana ang asistant.

Kon buot nimo nga makabatog usa ka kopya sa Pagmata! o buot ug usa ka libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5.