Unsay Imong Nahibaloan Bahin Kang Jesus?

Usa ka 84-anyos nga babayeng nagpuyo sa Tinipong Bansa miingon bahin sa Ang Labing Bantogang Tawo nga Nabuhi Sukad, usa ka 448-panid daghag ilustrasyong libro bahin sa kinabuhi ni Jesu-Kristo: “Natapos ko na pagbasa ang Bibliya sa daghang higayon, ug ang Labing Bantogang Tawo ang nagtabang kanako nga makasabot ug maayo sa akong pagbasa sa Bibliya.” Ang libro naghimo sa mga asoy sa Bibliya bahin sa kinabuhi ni Jesus nga makaiikag ug realistikanhon alang kaniya.

“Wala gayod ako kapoyi ug basa sa libro,” siya misulat. “Nabasa ko na kini pito ka higayon ug nagsugod sa pagbasa niini pag-usab. Ang akong kasingkasing natandog sa kahibulongang mga hiyas ni Jesus. Sa dihang basahon nako ang mga kapitulo mahitungod sa kataposang semana ni Jesus sa yuta, ako gisakitan sa pagmaltrato nga iyang nadawat, ilabina sa iyang kataposang mga takna, ug sa iyang kamatayon diha sa sakitanang estaka. Bisan pa, gihimaya niya ang atong langitnong Amahan, si Jehova.”

Gipaningkamotan diha sa Ang Labing Bantogang Tawo nga Nabuhi Sukad ang pagtanyag sa matag hitabo sa yutan-ong kinabuhi ni Jesus nga gisulat diha sa upat ka Ebanghelyo. Kini makatabang kanimo nga makakat-on ug labaw pa bahin kang Jesus. Kon buot nimo nga makadawat ug usa ka kopya niini o buot nga makabaton ug libreng pagtuon sa Bibliya sa balay, palihog pagsulat sa Watch Tower, P.O. Box 2044, 1060 Manila, o sa haom nga adres nga nalista sa panid 5.