“Sila Nalipay Ingon sa mga Bata”

Mao kana ang paghubit sa 32-anyos nga si Sergei, amahan sa tulo ka anak, sa reaksiyon sa iyang mga higala sa dihang iyang gipakita kanila ang librong Life​—How Did It Get Here? By Evolution or by Creation? Si Sergei, nga nagpuyo sa Tatarstan, Rusya, nagbatbat sa nahitabo:

“Sa pagsugod gitan-aw namo ang mga hulagway ug gibasa ang mga kapsiyon. Ang makaiikag nga panaghisgot misunod. Ang tanan nakong mga higala maoy batan-ong mga amahan ug mga inahan . . . Kaming tanan nagatambong sa simbahan sa panahon sa Easter ug sa mga bunyag, apan ingon lang niana ang among kaikag sa among simbahan.

“Sa laing bahin, pagkadako sa among interes sa inyong literatura! Ang mabulokon, matahom nga pagkadisenyong hapin sa libro daling makadanig pagtagad. Inigsugod nimog basa, lisod ang paghunong. Buot nimong ipaambit sa imong mga silingan ang imong nakat-onan. Dugang pa, bation nimo ang katagbaw ug pagkakontento human mabasa ug mahisgotan ang impormasyon. Sa kataposan, nakaplagan namo ang butang nga makalingaw, intelihente, ug mapuslanon nga pagahisgotan.

“Sa pagkatinuod, kami nagkinabuhi sa espirituwal nga kahaw-ang. Ang tanan naghisgot bahin sa salapi, mga suliran, mga kabalaka, ug intriga. Kining mga butanga makahugno lamang sa kasingkasing. Human maghunahuna bahin niini, dili ka makatulog dihadiha, ug inigkabuntag dili ka buot nga mobangon ug moatubang sa nagkalainlaing mga suliran sa tawo.”

Tingali ikaw adunay susamang mga pagbati ug malipay sa pagbatog usa ka kopya niining makaiikag nga publikasyon, nga gipatik sa mga Saksi ni Jehova, usa ka internasyonal nga organisasyon sa kapin sa lima ka milyong estudyante sa Bibliya. Kon buot nimo ang dugang impormasyon o usa ka libreng pagtuon sa Bibliya sa balay, palihog pagsulat sa Watch Tower, P.O. Box 2044, 1060 Manila, o sa haom nga adres nga nalista sa panid 5.