Iya Gayod nga Gipabilhan Ang Bantayanang Torre

“Bisan tuod ug usa ako ka Romano Katoliko,” misulat ang usa ka ika-sayis-grado nga estudyante nga taga-Toledo, Ohio, T.B.A., “gusto nakong makabaton ug suskrisyon sa inyong maayong magasin. Ang hinungdan kon nganong nainteres ako sa Ang Bantayanang Torre mao si Trevor. Katapad nako siya sa klase. Mga usa ka tuig na kaming managhigala, ug daghan siyag butang nga gitudlo kanako bahin kang Jesus, kang Jehova, ug sa mga Saksi ni Jehova.

“Si Trevor sama nakog edad, samag gitas-on, ug dedikado kaayo sa iyang relihiyon. Duna siyay suskrisyon sa Ang Bantayanang Torre ug gipahulam ko niyag usa sa iyang mga magasin. Akong nagustohan ang makataronganong mga artikulo nga inyong ginasulat. Unta wala ray kaso ninyo nga dili ako usa ka Saksi ni Jehova ug tugotan ako nga makabaton ug suskrisyon sa inyong magasin.”

Ang Bantayanang Torre ug ang kauban niining magasin, ang Pagmata!, maoy gikalipayan ug basa sa mga katawhan sa daghang nasyonalidad ug mga relihiyon sa tibuok kalibotan. Sa milabayng tuig lamang kapin sa 900 ka milyon nga kopya niining duha ka magasin ang giimprenta sa kapin sa 120 ka pinulongan!

Ikaw usab makapahimulos gikan sa regular nga pagbasa sa Ang Bantayanang Torre ug Pagmata! Kon buot nimo nga makabaton ug kopya o usa ka libre nga pagtuon sa Bibliya sa balay, palihog pagsulat sa Watch Tower, P.O. Box 2044, 1060 Manila, o sa tukma nga adres nga gilista sa panid 5.