Ang Tanan Bang Relihiyon Mosangko sa Diyos?

Minilyon ka tawo ang nagtuo nga ang tanang relihiyon maoy lainlaing dalan nga mosangko sa samang dapit. Ang tinuod mao, ang mga pagtulon-an, mga rituwal, ug mga bathala sa mga relihiyon maoy managsama. Tan-awa, pananglitan, kining ikawalong-siglo K.P. nga estatwa sa usa ka Hindu nga tinumotumong karakter, gikan sa Kerala, India.

Ang nakapatalagsaon mao nga ang mga torong baka gisimba sa daghang karaang relihiyon. Pananglitan, sumala sa unang-siglo W.K.P. nga Gregong magsusulat sa kasaysayan nga si Diodorus Siculus, ang Amonhanong diyos nga si Molek duna usab ing porma sa tawo apan may ulo sa usa ka torong baka.

Nganong adunay talagsaong mga panagsama ang daghang nagkadaiyang mga relihiyon sa tibuok kalibotan? Kini kaha nga mga relihiyon may usa ka gigikanan? Tinuod kaha nga lainlain lamang sila nga mga dalan nga mosangko sa mao rang dapit? May pag-uyon kaha ang Diyos kanilang tanan?

Ang makaiikag nga asoy sa gigikanan ug kaugmaran sa dagko nga mga relihiyon sa kalibotan diha sa librong Pagpangita sa Katawhan sa Diyos nagtubag sa maong mga pangutana. Kon buot nimong makadawat niini nga libro o buot nga dunay moduaw sa imong balay aron hisgotan kon unsay ginasulti sa Bibliya maylabot niining butanga, palihog pagsulat sa Watch Tower, P.O. Box 2044, 1060 Manila, o sa nahiangayng adres sa panid 5.