Nasayod Ka Ba?
(Ang mga tubag niini nga pasulit mahimong makaplagan sa mga teksto sa Bibliya nga gisitar, ug ang bug-os nga listahan sa mga tubag gipatik sa panid 28. Alang sa dugang kasayoran, susiha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)
1. Kinsa ang pangunang kaaway ni Jehova? (Pinadayag 20:2)
2. Bisag “Jehovah” ang nailhan pag-ayong linitokan sa Ingles sa ngalan sa Diyos, unsay gipaboran sa kadaghanang Hebreohanong mga eskolar?
3. Mahimong unsa ang panganay nga anak ni Abraham, si Ismael, aron mabuhi siya sa kamingawan? (Genesis 21:20)
4. Kansang kapakyasan sa pagpakitag pagtahod sa iyang amahan ang miresultag tunglo ngadto sa iyang anak? (Genesis 9:22-25)
5. Dili siya buot nga palakton, si Solomon misaad nga hatagan ang Sulamitang ulay ug unsang mga dayandayan? (Awit ni Solomon 1:11)
6. Gikan sa unsang dapit nalantaw ni Moises ang Yutang Saad, bisag wala tugoti sa pagsulod ngadto niana? (Deuteronomio 3:27)
7. Unsay gibulit sa sulod ug sa gawas sa arka ni Noe? (Genesis 6:14)
8. Unsay gisulti ni Pablo nga kinahanglan natong buhaton aron “daganon nga may pag-agwanta ang lumba nga gibutang atubangan kanato”? (Hebreohanon 12:1)
9. Kinsay mihimo sa unang narekord nga pagkabanhaw? (1 Hari 17:21-23)
10. Sumala sa mga pulong ni Jesus, nganong walay magbutang ug bag-ong bino sulod sa daang mga panit-nga-sudlanag-bino? (Marcos 2:22)
11. Unsang rekord ang makaplagan sa mga kapitulo 6 hangtod sa 9 sa Genesis? (Genesis 6:9)
12. Dugang pa sa bulawan, plata, ug garing, unsang duha ka matang sa hayop ang gipamalit ni Solomon sa mga pagbiyahe sa laing nasod sa iyang panon sa mga barko sa Tarsis sa matag ikatulong tuig? (1 Hari 10:22)
13. Unsay miresulta sa dihang si Haring Rehoboam ug Hadoram, nga maoy nagdumala sa pagrekluta sa pinugos nga mga mamumuo, misulod sa teritoryo sa mibulag nga mga tribo sa amihanan? (2 Cronicas 10:18)
14. Unsay giingon sa Diyos nga iyang “tungtonganan”? (Buhat 7:49)
15. Kinsa ang nahimong ilo sa dihang ang iyang inahan namatay sa pagpanganak kaniya, human madungog nga ang iyang bana namatay? (1 Samuel 4:19-21)
16. Alang niadtong kinsa kulang sa unsa nga himoon sa Diyos nga “kusganon”? (Isaias 40:29)
17. Sa dihang itanyag sa Diyos, unsa ang dili angay nga adunay lebadura o “dugos”? (Levitico 2:11)
18. Unsay gitagna ni Miqueas nga walay nasod ang kinahanglang mokat-on pa? (Miqueas 4:3)
19. Unsay giingon ni Jesus nga mao ang Pulong sa Diyos? (Juan 17:17)
20. Kinsay amahan ni Jonas? (Jonas 1:1)
21. Unsay gihatag ni Haring Ahasuero ngadto sa mga distrito nga sakop sa lalawigan sa iyang pagmando isip pagsaulog sa paghimo kang Ester nga iyang rayna? (Ester 2:18)
22. Unsay gibuhat aron ipakita nga ang usa ka Hebreohanong ulipon kinabubut-ong mipili nga dili hatagan ug kagawasan kondili mag-alagad sa iyang agalon? (Exodo 21:5, 6)
23. Diin dalha sa mahigalaong Samaritano ang samdang tawo aron siya matambalan? (Lucas 10:34)