‘Gipalapad Niini ang Among Panglantaw’

Ang pangulo sa departamento sa langyawng mga pinulongan sa Karakol Institute of Management sa Kyrgyzstan, nga usa ka kanhing republika sa Unyon Sobyet, midayeg sa mga publikasyon sa mga Saksi ni Jehova. Siya misulat sa mosunod ngadto sa sangang opisina sa mga Saksi ni Jehova sa Rusya:

“Ang inyong mga libro ug mga brosyur nakatabang pag-ayo kanamo sa pagtudlo ug Iningles, Aleman, Ruso, Kyrgyz ug Turkong mga pinulongan ilalom sa gubot nga sosyal ug ekonomikanhong mga kahimtang karong panahona. . . . Ang inyong mga brosyur gusto kaayong gamiton niadtong nagtuon ug praktikal nga paghubad . . . Salamat sa mga librong Life​—How Did It Get Here? By Evolution or by Creation?, Ang Sekreto sa Kalipay sa Pamilya, ug Mga Pangutanang Gisukna sa mga Batan-on​—Mga Tubag nga Mosaler.

“Daghang Saksi ni Jehova taliwala sa among mga estudyante. Interesado silang mobasa sa mga artikulo sa Pagmata! ug naggamit niini sa dihang dunay homwork.”

Ang tagsulat ilabinang mipili sa Pagmata! aron dayegon: “Salamat sa makapainteres ug puno sa impormasyon nga mga artikulo. . . . Nagsilsil kini kanamo ug paglaom ug gipalapad niini ang among kinatibuk-ang panglantaw. . . . Kaming tanan nalipay sa pagbasa sa bahin nga ‘Pagpaniid sa Kalibotan’ sa Pagmata!”

Kon buot nimong makadawat ug kopya sa Pagmata! o buot nga duawon sa usa sa mga Saksi ni Jehova sa imong balay aron hisgotan ang Bibliya uban kanimo, palihog pagsulat sa Watchtower, P.O. Box 2044, 1060 Manila, o sa nahiangay nga adres sa panid 5.