“Maghigugmaay pa Kaha ang Tanang Tawo sa Usag Usa?”

Panahon sa Oktubre ug Nobyembre sa 1997, ang upat-ka-panid nga pulyetong “Maghigugmaay pa Kaha ang Tanang Tawo sa Usag Usa?” giapod-apod sa tibuok kalibotan sa kapin sa 300 ka milyong kopya diha sa kapin sa 100 ka pinulongan. Daghang paborableng mga komento ang gihimo bahin niana, lakip ang mosunod nga artikulo sa Easton, Pennsylvania, T.B.A., sa Express-Times:

“Gipasiugda niini ang mga pananglitan sa mga silingan nga nagkabugnaw ang pagtagad sa usag usa​—nga namiktima pa ngani sa usag usa, sama sa Bosnia-Herzegovina ug Rwanda, diin ang dugay nang mga silingan nga lahi ang etniko ug relihiyosong mga grupo nagpinatyanay sa usag usa.

“Bahin sa mga kahimtang sa Tinipong Bansa, kini nagtumong sa tigulang nga nagpuyong nag-inusara nga walay miduaw kanila, ug ang puwersadong hulagway nakakuha sa nawong sa usa ka babaye nga mahadlokong misilip gikan sa giwang sa kinadenahang pultahan.”

Ang sangang buhatan sa mga Saksi ni Jehova sa Slovenia nakadawat sa mosunod nga hangyo gikan sa The Philosophical Literature Club Impresie: “Maylabot sa pagpatin-aw sa relihiyosong kamatuoran, ang Romano Katolikong Iglesya sa Slovenia, ikasubong isulti, dunay monopoliya. Aron mas masabtan kining relihiyosong mga kamatuoran, kami sa pagkamapaubsanon gayod mohangyo kaninyo sa pagpadala kanamog 50 ka kopya sa tract nga nag-ulohang “Maghigugmaay pa Kaha ang Tanang Tawo sa Usag Usa?” Nakadayeg kami niini ingong butang nga talagsaon, dili lamang bahin sa nasulat kondili usab sa gibug-aton sa hulagway niini.”

Kon ikaw usab buot nga makadawat ug pamatuod nga ang usa ka kalibotan sa mga tawo makapuyo diha sa pakigdait ug harmonya, palihog pil-api ug ipadala ang kaubang kupon.

◻ Padalhi ako ug usa ka kopya sa brosyur nga Tinuod Bang May Pagtagad ang Diyos Kanato?

◻ Palihog kontaka ako bahin sa usa ka libreng pagtuon sa Bibliya sa balay.