Buot ba Nimong Pahimut-an ang Diyos?

Mahunahunaon ka ba sa espirituwal nga panginahanglan sa imong kinabuhi? Mobati ka bang dunay nakulang sa usa ka kalibotan diin ang gipabilhan maorag mao lamang ang materyal nga mga butang? Buot ka bang mahibalo sa Diyos ug makabaton ug suod nga relasyon uban kaniya?

Ikaw tingali moingon, ‘Oo, apan unsaon nako pagkab-ot kana? Dili ba lisod basahon ug sabton ang Bibliya?’ Ang pipila ka tawo, tingali tungod sa kalisod sa kahimtang sa panginabuhi, pipila ra ka tuig ang naeskuylahan ug hayan maglisod sa pagbasa. Sa unsang paagi sila matabangan sa pagkahibalo sa Diyos ug sa iyang mga kinahanglanon alang sa walay kataposang kinabuhi?

Sa 1996 giluwatan sa Watch Tower Society ang usa ka basahon, nga karon mabatonan sa 211 ka pinulongan, nga ginganlag Unsay Gikinahanglan sa Diyos Kanato? Kini maoy 32-panid, bug-os kolor nga brosyur nga gilangkoban ug 16 ka seksiyon nga naghatag sa yanong mga tubag sa Bibliya sa mga pangutanang sama sa: Kinsa ang Diyos? Kinsa si Jesu-Kristo? Unsa ang katuyoan sa Diyos alang sa yuta? Sa unsang paagi makaplagan nimo ang matuod nga relihiyon? Ang brosyur nagatagad usab kon unsaon nato pagduol sa Diyos diha sa pag-ampo ug kon unsaon nato pagpahimulos ang pamilyahanong kinabuhi nga makapahimuot sa Diyos.

Kon buot kang makabaton ug usa ka kopya niini nga brosyur, palihog ipadala ang kauban nga kupon.

□ Padal-i ako ug usa ka kopya sa brosyur nga Unsay Gikinahanglan sa Diyos Kanato?

□ Palihog kontaka ako bahin sa libreng pagtuon sa Bibliya sa balay.