“Akong Kinadak-ang Tinguha”

USA ka klase sa mga estudyante sa Vranje, Yugoslavia, ang gitahasan sa pagsulat bahin sa topiko sa ibabaw. Ang mosunod mao ang mubong sinulat sa otso-anyos nga si Sergej, kansang komposisyon gipaskin sa eskuylahan aron mabasa sa tanan.

“Una sa tanan, gusto kong isulat nga ang akong kinadak-ang tinguha mao nga makatapos sa pag-eskuyla nga may tag-as nga grado ug makabakasyon sa Belgrade. Apan sa balay naghunahuna ako bahin sa lain pang butang. Ang akong kinadak-ang tinguha mao nga ang tibuok kalibotan magmalinawon, nga ang tanang tawo magkinabuhing malipayon, ug nga sila maghigugmaay ug magtinabangay. Gusto ko nga himsog ang tanang tawo ug nga ang atong planeta mahimong mas hinlo kay sa kahimtang niini karon.

“Karon ang yuta nahugawan sa mga kemikal. Ang tubig ug hangin nahugawan usab. Tungod sa gutom dinhi sa kalibotan, linibo ka bata ang mangamatay kada adlaw, ug daghan pa ang himalatyon tungod sa mga sakit. Gusto kong mahanaw kanang tanan, ug gusto ko nga bation sa tanang bata ang pagmahal sa ilang mga ginikanan, aron makatulog sila nga mangayaon ug malipayon, nga nahibalong ang tagsa ka bag-ong adlaw maoy usa ka nindot nga adlaw. Dili kini posible niining kalibotana, apan sa umaabot mahimo na kining posible. Mao kini ang akong kinadak-ang tinguha.”

Nganong segurado si Sergej nga mahitabo kining mga butanga? Siya nagtuo sa mga saad sa Diyos sumala sa gihubit diha sa Bibliya. Ang brosyur nga Tinuod Bang May Pagtagad ang Diyos Kanato? naghubit niining mga saara diha sa seksiyon nga nag-ulohang “Ang Kahibulongang Bag-ong Kalibotan nga Hinimo sa Diyos.” Makakuha kag kopya niining brosyura pinaagi sa pagsulat ug pagpadala sa kaubang kupon ngadto sa adres nga makita diha sa kupon o sa nahiangayng adres nga gilista sa panid 5 niining magasina.

□ Padalhi akog kopya sa brosyur nga Tinuod Bang May Pagtagad ang Diyos Kanato?

□ Palihog kontaka ako mahitungod sa libreng pagtuon sa Bibliya sa balay.