‘Gipalihok Niini ang Tinguha sa Pagkat-on ug Dugang’
ANG anaa sa ibabaw maoy gisulat sa usa ka magbabasa nga taga-Amihanang Carolina, T.B.A., bahin sa libro nga Is There a Creator Who Cares About You? nga gipatik sa miaging tuig. Siya midugang: “Salamat sa pagpalihok sa kamausisahon sa akong kasingkasing ug hunahuna.” Dayon siya miingon sa mosunod:
“Karon, samtang naglingkod sa akong pantaw, nakakita ako ug sanag nga berdeng hantatawo. Maampingon kaayo kining miaginod. Sa kamabinantayon, giseguro niini ang matag lihok sa pag-abante ug dayon, sa makiaykiayong paagi, nagpadayon. Apan, mao na kadto ang kataposang tabla sa salog sa among pantaw. Naghunahuna ako nga kon mahulog kini gumikan sa pipila ka rason—ang pagkahulog nga tingali usa ka metro ug tunga—kini lagmit dili grabeng madaot. Apan, kon tawo ang mahulog sa samang gitas-on, kini tinong makapatay kaniya.”
Ang babaye nahibulong, “Unsay nakapalahi pag-ayo sa gamay nga berdeng hantatawo?” Siya nanghinapos nga kini maoy “usa lamang sa milyonmilyong pangutana nga makapahinam nga matubag. Apan, sa kasamtangan, makakat-on kitag daghang butang bahin sa atong Maglalalang gikan nianang gamay nga berdeng ulod.”
Makaplagan nimong mabutyagon kaayo ang pagbasa kon sa unsang paagi ang atong kahibulongang uniberso, maingon man ang dakong kadaiyahan sa komplikadong buhing mga butang sa yuta, nagtaganag pamatuod bahin sa usa ka Dakong Maglalalang. Makabaton ka ug kopya niining 192-panid, humok-ug-hapin nga libro pinaagi sa pagpil-ap sa kaubang kupon ug pagpadala niini ngadto sa adres nga gipakita sa kupon o sa tukmang adres nga gilista sa panid 5 niining magasina.
□ Padad-i ako ug kopya sa libro nga Is There a Creator Who Cares About You?
□ Palihog kontaka ako bahin sa usa ka libreng pagtuon sa Bibliya sa balay.
[Picture Credit Line sa panid 32]
J. Hester and P. Scowen (AZ State Univ.), NASA