India ug Tsina Nameligro Tungod sa Tabako

SINULAT SA KORESPONSAL SA PAGMATA! SA INDIA

SAMTANG ang mga pagpig-ot sa pag-anunsiyo sa tabako nagtubo ug ang edukasyon bahin sa mga kapeligrohan sa panglawas sa pagpanigarilyo mikaylap sa Kasadpang kalibotan, ang dagko kaayong mga kompaniya sa tabako nangliso sa Sidlakan aron ibaligya ang ilang mga produkto. Ang mga pagtuon nga sa pinansiyal suportado sa World Bank nagtagna nga ang mga kamatayon gumikan sa tabako sa Tsina makaabot ug usa ka milyon kada tuig pagkatuig 2010. Ang British Medical Journal nag-ingon nga 100 milyong Insek ubos sa edad 29 mamatay ingong sangpotanan sa pagtabako.

Ang World Health Organization nagbanabana nga duyog sa Tsina, ang India—tungod sa populasyon niining halos usa ka bilyon—tinong makabaton “sa kinadak-an ug kinagrabehang mga pagdaghan sa sakit nga nalangkit sa tabako.” Ang mga taho nag-angkon nga mga 20 milyong bata didto mosugod pagtabako kada tuig. Ang usa ka lalaking taga-Habagatang India sa nangagi labihan ka hinigarilyo sa daghang tuig. Misulat siya ngadto sa mga magpapatik sa Pagmata! isip apresasyon sa usa ka artikulo diha sa magasing nakatabang niya nga bug-os mohunong sa pagtabako. Kadto ang artikulong “Makahimo Ka sa Paghunong—Among Nahimo!” nga makita sa isyu sa Disyembre 8, 1998.

Unsang mga hinungdan ang ikahatag nimo alang sa paghunong sa pagtabako? Ang pipila ka makapukaw-sa-hunahunang mga hinungdan hikaplagan sa panid 25 sa 32-panid nga brosyur nga Unsay Gikinahanglan sa Diyos Kanato? Makahangyo ka ug usa ka kopya pinaagi sa pagpil-ap ug pagpadala sa koreyo sa gipataban nga kupon ngadto sa adres nga gipakita diha sa kupon o ngadto sa nahiangayng adres nga natala sa panid 5 niining magasina.

□ Padad-i akog kopya sa brosyur nga Unsay Gikinahanglan sa Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.