‘Maayo Kaayo Sila!’

KARONG bag-o, ang general manager sa usa ka hotel nga nahimutang duol sa usa sa internasyonal nga mga erport sa Hapon miduaw sa sangang buhatan sa mga Saksi ni Jehova sa Ebina. Maorag mahinamon siya kaayo. Ngano?

Sulod sa 1998, kapin sa 200 ka Saksi ni Jehova ang miestar sa hotel sa manedyer sa ilang pagpanaw ngadto-ngari sa ilang internasyonal nga mga kombensiyon sa Amerika del Norte, Aprika, Australia, ug Korea. Sa dihang ang kawani sa serbisyo sa hotel nagtigom aron sa pagrepaso sa mga kalihokan sa miaging tuig, sila nagkomento nga sa 30,000 ka bisita sa hotel sa matag tuig, kini nga mga delegado sa kombensiyon mao ang labing dalayegon nga ilang naalagaran.

Busa, ang manedyer sa hotel miadto sa Ebina aron ipahayag ang apresasyon. ‘Kadtong mga bisitaha,’ matod niya, ‘matinahuron kaayo ug ilang gibiyaan ang ilang mga lawak nga hinlo ug hapsay. Sagad silang nagpahayag sa ilang apresasyon. Dugang pa, naghatag silag mga pulong sa pagdasig gikan sa Bibliya. Maayo kaayo sila!’

Ang manedyer nagpadayon: ‘Among nakita nga daghang bisita ang magul-anon. Busa nangita kamig pipila ka makatabang nga impormasyon alang kanila. Gusto namo nga sila makabatog kaayohan gikan sa mga pagtulon-an sa Bibliya tungod kay kini adunay positibong impluwensiya sa mga kinabuhi sa mga tawo.’

Ingong resulta, ang manedyer mihangyog 80 ka kopya sa nagkalainlaing publikasyon sa mga Saksi ni Jehova aron nga kini iyang ibutang diha sa mga lawak sa hotel. Lakip sa mga publikasyong gihangyo mao ang 192-panid nga librong Ang Sekreto sa Kalipay sa Pamilya. Kon buot nimo ug kopya, palihog pil-api ang kaubang kupon ug ipadala kini sa adres nga gitagana o sa tukmang adres nga gilista sa panid 5 niining magasina.

□ Padalhi ako sa libro nga Ang Sekreto sa Kalipay sa Pamilya.

□ Palihog kontaka ako bahin sa usa ka libreng pagtuon sa