Nakadayeg sa Pagkadili-Madapigon Niini

USA ka propesor sa unibersidad sa Espanya misulat sa sangang buhatan sa Watch Tower Society sa iyang nasod aron ipahayag ang pagpabili sa Pagmata! Siya misaysay:

“Akong nadawat di pa dugay ang duha ka kopya sa magasing Pagmata! Akong nakaplagan nga kini naundan ug makaiikag kaayong mga artikulo bahin sa lainlaing mga tema. Wala akoy gianiban nga bisan unsang relihiyosong grupo, apan ako nakadayeg pag-ayo sa pagkadili-madapigon niini nga publikasyon. Ekselente usab ang pagkahulad niini, ug kini naghisgot sa mga ulohan pinasukad sa way-gidapigan ug siyentipikanhong panglantaw. Akong pahalipayan kamo sa inyong paningkamot.”

Sa kadaghanang mga artikulo niini, ang Pagmata! naghan-ay ug lainlaing pamatuod gikan sa nagkadaiyang mga siyensiya nga motabang sa mga magbabasa niini sa paghimog may-kasayorang mga konklusyon. Ang maong paagi gihimo usab sa 32-panid nga brosyur nga Unsa ang Katuyoan sa Kinabuhi? Sa Unsang Paagi Makaplagan Nimo Kini? Pananglitan, ilalom sa mga sub-ulohang “Ang Kinabuhi Sulagma Bang Misugod?” ug “Disenyo Nagkinahanglan ug Tigdisenyo,” ang ebidensiya nga may kalangkitan sa maong butang gipresentar sa giilang mga awtoridad sa natad sa astronomiya, mikrobiolohiya, ug pisika.

Makahangyo ka niini nga brosyur, Unsa ang Katuyoan sa Kinabuhi? Sa Unsang Paagi Makaplagan Nimo Kini?, pinaagi sa pagpil-ap sa nagaubang kupon ug pagpadala niana sa adres nga gipakita sa kupon o sa nahiangay nga adres nga gilista sa panid 5 niini nga magasin.

□ Interesado ako nga makadawat ug kopya sa brosyur nga Unsa ang Katuyoan sa Kinabuhi? Sa Unsang Paagi Makaplagan Nimo Kini?

Ipaila kon unsang pinulongan.

□ Palihog kontaka ako mahitungod sa usa ka libreng pagtuon sa Bibliya sa balay.

[Picture Credit Line sa panid 32]

Galaxy: Courtesy of Anglo-Australian Observatory, photograph by David Malin