Kon sa Unsang Paagi ang Pagmata! Nakaluwas sa Iyang Kinabuhi
“DILI ko gustong padayong magpabug-at sa akong pamilya, mao nga nakahukom ako nga ang paghikog mao ang solusyon.” Sa ingon misulat ang usa ka lalaki sa Nepal. Siya mipadayon: “Giandam ko ang pisi ug mipilig dapit ug petsa. Apan usa na lang ka semana una pa nianang adlawa, akong nadawat ang Pebrero 22, 2000, nga isyu sa Pagmata!”
Ang seryeng panghapin niana nga isyu maoy “Paghikog—Kinsay Labing Nameligro?” Ang lalaki misulat: “Gikinahanglan kong makigbisog sa hunahuna ug emosyon aron lang mapunit ug mabasa kana. Ang katin-awan sa napulo ka hinungdan sa paghikog nakapadayeg kaayo kanako ug nakapausab sa akong hunahuna.” Siya mihinapos: “Dili ko mapugngan nga ipahayag ang akong pasalamat tungod sa inyong gibuhat kanako. Ang inyong paningkamot sa pagsulat niini nga artikulo nakaluwas sa akong kinabuhi!”
Daghang hinungdan ang nalangkit sa nagkadakong gidaghanon sa paghikog karon. Ang usa mao ang gibating kawalay katuyoan sa kinabuhi sa daghan kaayong tawo. Ang brosyur nga Unsa ang Katuyoan sa Kinabuhi? Sa Unsang Paagi Makaplagan Nimo Kini? nakatabang sa daghang tawo sa pagpabili nga aduna gayoy paglaom sa mas maayong kinabuhi. Makahangyo ka ug kopya pinaagi sa pagpil-ap sa nagaubang kupon ug pagpadala niana ngadto sa adres nga gipakita sa kupon o sa nahiangayng adres nga nalista sa panid 5 niini nga magasin.
□ Interesado ako nga makadawat ug kopya sa brosyur nga Unsa ang Katuyoan sa Kinabuhi? Sa Unsang Paagi Makaplagan Nimo Kini?
□ Palihog kontaka ako mahitungod sa usa ka libreng pagtuon sa Bibliya sa balay.