Nakaplagan Diha sa Tindahan nga Mamalit ug Basurang Papel
NIANANG dapita nakita sa usa ka batan-ong Tamil-ug-pinulongan sa Chennai, India, ang kopya sa Agosto 8, 1999, nga Pagmata! Human masusi ang magasin, maingon man ang ubang mga kopya nga iyang nabatonan, gipahayag niya ang iyang opinyon bahin niini diha sa sulat nga gipadala ngadto sa sangang buhatan sa mga Saksi ni Jehova sa India.
“Ang Pagmata!,” siya misulat, “maoy maanindot, matulon-anon ug mapuslanon kaayong magasin. Dako kaayog gikatabang ang mga impormasyong gipresentar. Mga pahalipay!”
Dayon mihangyo ang batan-on: “Ako nanghinaot nga kining matulon-anong magasin, nga nakaabot na sa tanang suok sa kalibotan, mahimong bahin usab sa akong personal nga librarya. Human mabasa ang mga magasin nga napatik na, buot kong makadawat sa umaabot pang mga gula.”
Sumala sa gipatin-aw sa panid 4 sa matag magasin, ang Pagmata! naghatag ug kalamdagan sa daghang ulohan. Dugang pa, ang gisulat nga katuyoan niini nag-ingon: “Labing bililhon, kining magasina mougmad sa pagsalig sa saad sa Maglalalang sa makigdaiton ug may-kasegurohang bag-ong kalibotan nga hapit nang mopuli sa tuman-kadaotan, malapasong sistema sa mga butang karon.”
Ang 32-panid nga brosyur nga Unsay Gikinahanglan sa Diyos Kanato? nagpasiugda sa maong katuyoan sa Diyos, nga nagtaganag impormasyon gikan sa Bibliya, nga nagpakita kon unsay gikinahanglan natong buhaton aron makadawat sa iyang pag-uyon. Makahangyo ka ug kopya niining brosyura pinaagi sa pagpil-ap sa nagaubang kupon ug sa pagpadala niini ngadto sa adres nga gipakita sa kupon o sa nahiangayng adres nga gilista sa panid 5 niining magasina.
□ Interesado akong makadawat ug kopya sa brosyur nga Unsay Gikinahanglan sa Diyos Kanato?
□ Palihog kontaka ako mahitungod sa usa ka libreng pagtuon sa Bibliya sa balay.