Usa ka Libro nga Makatabang sa Pagluwas ug mga Kaminyoon
USA KA BABAYE NGA GINGANLAG LESLIE, sa Louisiana, T.B.A., nakadawat ug tawag sa telepono sa miaging tuig gikan sa usa ka hawas sa Tulane University. Ang mitawag nag-ingon nga ang Tulane, maingon man ang lain pang unibersidad, nagpahigayon ug surbi sa bag-ong-kinasal nga mga magtiayon sa Louisiana.
Human mouyon nga moapil sa surbi, ang babaye nakadawat ug sinulat nga mga pangutana, nagpil-ap niini, ug nagpadala niini uban sa usa ka kopya sa librong Ang Sekreto sa Kalipay sa Pamilya. Siya nag-ingon nga siya ug ang iyang bana maoy mga Saksi ni Jehova ug dungang nagtuon niining libroha agig pagpangandam sa kaminyoon.
Pipila ka semana sa ulahi, usa ka sulat ang nadawat gikan sa direktor sa proyekto, kinsa misulat: “Kami naglaom gayod nga ang mga magtiayon nga sama kanimo ug sa imong bana makatudlo kanamo kon unsay gikinahanglan aron magmalig-on ug magmalipayon ang mga kaminyoon. Ang kamatuoran nga kamo naggikan sa lainlaing mga kagikan maoy hinungdanon tungod kay kini kasagarang mopahinabog problema sa kaminyoon. Apan ang inyong pagpangandam sa kaminyoon, ilabina uban sa mga basahon sama sa libro nga imong gipadala, magtugot kaninyo nga malamposong madumala ang bisan unsang mga suliran nga motungha. Ug, siyempre, ang usa ka relihiyosong sukaranan sa kaminyoon mao ang labing hinungdanong butang. Bulahan kamo nga nag-ambitay ug usa ka lig-ong pagtuo ug pagsalig sa tabang sa Diyos.
“Gibutang ko ang kopya sa libro nga imong gipadala kanako ibabaw sa akong lamesa, ug ipakita ko kini sa akong mga estudyante karon sa dihang magpakitambag sila kanako bahin sa pagminyo. Wala pa gayod ako makakitag libro nga sama niini, ug nindot gayod kaayo kini.”
Kami nagtuo nga makaplagan usab nimo kining libroha nga bililhon kaayo. Alang sa imong kopya, palihog pil-api ang nag-ubang kupon ug ipadala kini ngadto sa adres nga makita diha sa kupon o ngadto sa nahiangayng adres nga nalista sa panid 5 niining magasina. Imong madawat ang espesipikong mga sugyot nga makatabang sa pagsulbad sa mga suliran ug paghimo sa pamilyahanong kinabuhi nga malipayon nga maoy katuyoan sa Maglalalang.
□ Interesado ako nga makadawat ug kopya sa librong Ang Sekreto sa Kalipay sa Pamilya.
□ Palihog kontaka ako mahitungod sa usa ka libreng pagtuon sa Bibliya sa balay.