“Kini Miabot sa Hustong Panahon”

MAO kanay giingon sa usa ka lalaki nga nagpuyo sa siyudad sa Abakaliki diha sa sulat nga gipadala ngadto sa sangang buhatan sa mga Saksi ni Jehova sa Nigeria. Ang iyang gitumong mao ang brosyur nga Sa Dihang ang Imong Minahal Mamatay, nga di pa dugayng gihatag kaniya. Siya nag-ingon:

“Namatay ang akong minahal nga asawa, si Tochi, human sa iyang pagpanganak niadtong Hunyo 18, 2000. Kapig usa ka bulan sa ulahi, wala pa gihapon ako maulii gikan sa kaguol, kawalay-pagbati, kahaw-ang, ug pagkadili-makatuo sa usa sa labing masakit nga trahedya nga midangat kanako sukad. Dayon niadtong Hulyo, usa sa mga Saksi ni Jehova naghatag kanakog kopya sa inyong publikasyon nga Sa Dihang ang Imong Minahal Mamatay. Ang brosyur samag tambal alang kanako, ug anam-anam nakong nadumala ang akong kinabuhi​—sa tabang sa tambag nga gitanyag niini. Napasig-uli gayod niini ang akong paglaom ug nakapaamgo kini kanako nga human sa makapasubong situwasyon, aduna pay katarongan nga molaom.”

Tingali ikaw o usa ka kaila nimo makadawat usab ug paghupay gumikan sa pagbasa niining 32-panid nga brosyur. Ikaw makahangyo ug kopya pinaagi sa pagpil-ap sa kupon ug pagpadala niini sa adres nga makita diha sa kupon o sa nahiangay nga adres nga gilista sa panid 5 niining magasina.

□ Interesado ako nga makadawat ug kopya sa brosyur nga Sa Dihang ang Imong Minahal Mamatay.

□ Palihog kontaka ako mahitungod sa usa ka libreng pagtuon sa Bibliya sa balay.