Gisibya-sa-Telebisyon nga Debate Bahin sa mga Saksi ni Jehova

Sulod sa 2000 ug 2001, usa ka pag-atake batok sa mga Saksi ni Jehova ang gihimo sa nasod sa Georgia, nga kanhing republika sa Unyon Sobyet. Usa ka popular nga estasyon sa telebisyon sa Georgia nagsibya diha sa telebisyon sa debate tali sa usa ka politiko kinsa nag-awhag nga idili ang mga Saksi ug sa usa ka propesor kinsa gitudlo sa korte nga tun-an pag-ayo ang literatura sa mga Saksi.

Sa pagtubag sa nagpusotpusot nga mga akusasyon maylabot sa mga tinuohan sa mga Saksi, ang propesor miprotesta nga ang mga pangangkon sa politiko “walay pasikaranan.” Dayon siya miingon: “Mao kini ang gituohan sa mga Saksi ni Jehova,” samtang iyang giisa ang librong Kahibalo nga Motultol sa Kinabuhing Walay Kataposan aron makita sa mga tumatan-aw sa telebisyon.

Dayon ang propesor mipadayon sa pagbasa sa unang parapo sa libro, nga mihinapos uban sa mga pulong: “Hinunoa, alang sa daghan ang kinabuhi daw nagpadayag ug sunodsunod nga seryosong mga suliran. Kon mao kanay imong naeksperyensiyahan, magmadasigon.”

Kining publikasyona nagpunting sa mga tubag sa Bibliya maylabot sa mga pangutana sa daghang tawo. Pananglitan, lakip sa mga ulohan sa kapitulo niini mao ang: “Kinsa ang Matuod nga Diyos?,” “Nganong Kita Matigulang ug Mamatay?,” ug “Nganong Gitugotan sa Diyos ang Pag-antos?”

Buot ka bang makadawat ug kopya niining 192-panid nga libro aron imong masusi? Makahangyo kag kopya niini pinaagi sa pagpil-ap sa nagaubang kupon ug pagpadala niini ngadto sa adres nga gihatag o sa nahiangayng adres nga gilista sa panid 5 niining magasina.

□ Interesado akong makadawat ug kopya sa libro nga Kahibalo nga Motultol sa Kinabuhing Walay Kataposan.

□ Palihog kontaka ako mahitungod sa usa ka libreng pagtuon sa Bibliya sa balay.