Pagkakita ug Bahandi Diha sa Silong sa Simbahan

Sa miaging tuig usa ka babaye sa amihanang bahin sa New York, T.B.A., nagtaho nga nakakita siya ug bahandi. Sa sulat nga iyang gipadala “Alang Niadtong Hitungdan,” siya misulat: “Akong nakit-an kining gamayng libro diha sa silong sa lokal sa simbahan, busa ako kining gidala sa balay. Nag-ulohan kini ug Ikaw Mabuhing Walay Kataposan sa Paraiso sa Yuta.”

Misaysay ang babaye: “Sa pagkakaron, upat na lang ka kapitulo ang kulang aron mahuman na nako pagbasa ang enterong libro sa ikaduhang higayon. Makalingaw kaayo kini nga kinahanglan nakong basahon kini sa ikaduhang higayon, ug mas hinay, aron masabtan nako ang tanan. Mas daghan pa kog nakat-onan gikan niining libroha kay sa akong nakat-onan sukad sa akong lokal nga simbahan. Ug akong nahibaloan ang mga butang nga wala pa gayod nako mahibaloi sukad. Maayo untag duna pa koy dugang gagmay nga mga libro nga sama niini.”

Ang libro nga nakit-an gipatik sa mga Saksi ni Jehova 20 ka tuig kanhi, ug kapin sa 81 ka milyong kopya niini ang napatik diha sa 112 ka pinulongan. Bisan pag wala na kini patika, makaplagan nimo ang hinungdanong bahin sa mensahe niini diha sa mga brosyur nga nag-ulohang Unsa ang Katuyoan sa Kinabuhi? Sa Unsang Paagi Makaplagan Nimo Kini? ug Tinuod Bang May Pagtagad ang Diyos Kanato?

Mahimo kang mohangyo ug kopya niining duha ka brosyur pinaagi sa pagpil-ap sa nagaubang kupon ug pagpadala niini sa adres nga makita diha sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa mga brosyur nga Unsa ang Katuyoan sa Kinabuhi? Sa Unsang Paagi Makaplagan Nimo Kini? ug Tinuod Bang May Pagtagad ang Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.