Silang Tanan Midawat Niini

Sa usa ka tunghaan sa Basel, Switzerland, gipahibalo sa usa ka maestro nga ang mga estudyante kinahanglang mag-andam ug usa ka pakigpulong nga 10 hangtod 15 minutos ang gitas-on bahin sa bisan unsang ulohan nga ilang gusto. Gipili sa 15-anyos nga si Rosi ang ulohan nga “Imong Pagkabatan-on​—Pagpahimulos sa Labing Maayo Niini.”

“Unsang matanga kini sa ulohan?” nangutana ang iyang mga klasmet. “Mopakigpulong ka ba bahin sa droga?”

“Mahibaloan ra ninyo,” siya mitubag.

Sa konklusyon sa iyang pakigpulong, namakpak ang mga estudyante. Dayon si Rosi miingon: “Ang 15 minutos dili gayod paigo sa paghisgot kon sa unsang paagi mapahimuslan ang labing maayo sa pagkabatan-on.” Busa siya miingon: “Aduna koy gasa alang kaninyong tanan.” Gihatagan niya ang matag estudyante ug tagsa ka kopya sa librong Mga Pangutanang Gisukna sa mga Batan-on​—Mga Tubag nga Mosaler, 20 ka libro tanan. Kini maayong pagkaputos ug gisulatag ngalan sa matag usa niya ka klasmet.

Ang tanan mapasalamatong midawat sa libro ug sa ulahi namatikdang nagsusi sa kaundan niini, nga naglakip sa mga kapitulong: “Unsay Akong Mahimo Aron ang Akong mga Ginikanan Mohatag Kanakog Dugang Kagawasan?,” “Sa Unsang Paagi Makabaton Akog Tinuod nga mga Higala?,” “Unsang Karera ang Akong Pagapilion?,” “Unsay Ikasulti Bahin sa Sekso sa Dili pa Magminyo?,” ug “Unsaon Nako Pagkaila Kon Kini Tinuod nga Gugma?”

Tanantanan, dunay 39 ka kapitulo. Aron makahangyo ug kopya niining libroha, mahimo nimong pil-apan ang nagauban nga kupon ug ipadala kini sa adres nga gipakita sa kupon o sa nahiangayng adres nga gilista sa panid 5 niining magasina.

□ Interesado akong makadawat ug kopya sa librong Mga Pangutanang Gisukna sa mga Batan-on​—Mga Tubag nga Mosaler.

□ Palihog kontaka ako mahitungod sa usa ka libreng pagtuon sa Bibliya sa balay.