Makab-ot ang Malipayon nga Pamilyahanong Kinabuhi!
ANG usa ka babaye nga nagpuyo sa siyudad sa Maladzyechna, sa Belarus, misulat ngadto sa sangang buhatan sa mga Saksi ni Jehova sa Rusya. Siya miingon nga siya adunay bana ug duha ka anak. Siya misulat: “Ang akong bana ug ako nahigugma sa usag usa. Apan, namatikdan ko nga sa nagkadugay ang among pag-ipon, misamot ang among kapikal ug panaglalis, nga morag wala ray hinungdan. Pipila ka bulan ang miagi, usa ka di-kaila ang nakig-estorya nako diha sa dalan ug mihatag kanakog usa ka tract nga nag-ulohang Magkalipay sa Kinabuhing Pamilyahanon. Sa sinugdan, nadani ako sa nindot nga ilustrasyon sa usa ka malipayong pamilya. Sa ulahi ako kining gibasa ug gihatag sa akong bana aron iyang mabasa.
“Morag milagro, ang among pamilyahanong kinabuhi wala lang mouswag kondili, makaingon ko, bug-os gayong nausab. Karon among nasabtan nga ang pagkahimong malipayon dili diay hilabihan ka lisod. Ang gikinahanglan lang mao ang diyutayng katim-os, kinasingkasing nga kainit ug paghatag. Ang hinungdanon mao ang pagkinabuhi sumala sa mga sugo sa Diyos, paghigugma sa Diyos ug paghigugma sa mga tawo, lakip na sa pamilya ug mga di-kaila.”
Siya mihinapos: “Ang kinabuhi nahimong mas malinawon ug mas malipayon. Buot namong ipadayon ang pagtuon sa Bibliya ug tudloan ang among mga anak.”
Kami nagtuo nga ikaw usab makabenepisyo gikan sa tract nga Magkalipay sa Kinabuhing Pamilyahanon. Malipay usab kaming ilakip ang 192-panid nga libro nga nag-ulohang Ang Sekreto sa Kalipay sa Pamilya. Alang sa imong kopya sa tract ug sa libro, palihog pil-api ang nagaubang kupon ug ipadala kini ngadto sa adres nga gitagana o ngadto sa nahiangayng adres nga gilista sa panid 5 niining magasina.
□ Interesado akong makadawat ug kopya sa tract nga Magkalipay sa Kinabuhing Pamilyahanon ug sa libro nga Ang Sekreto sa Kalipay sa Pamilya.
□ Palihog kontaka ako mahitungod sa usa ka libreng pagtuon sa Bibliya sa balay.