Daghan ang Nagbangotan sa Iyang Kamatayon

Sa Enero 12 niining tuiga, si Jesse Barnes, usa ka lisensiyadong elektrisyan, namatay tungod sa mga samad nga naagoman samtang nagtrabaho diha sa usa ka tinukod sa gobyerno sa Washington, D.C. Nagtrabaho siya didto sukad sa 1995. “Ang tanan nagmahal kang Jesse,” matod sa usa ka manedyer. Usa ka administratibong luyoluyo nag-ingon bahin kang Jesse: “Siya ang klase sa tawo nga dili nimo makalimtan bisag kausa lang nimo siya mahimamat.” Miingon usab siya: “Dili niya ipugos kanimo ang iyang mga tinuohan, apan kon madungog niya ang uban nga mamalikas, sultihan niya sila nga magtinarong.”

Si Jesse, kinsa 48 anyos sa dihang siya namatay, nahimong usa sa mga Saksi ni Jehova sa 1993. Duha ka opisyales midapit sa balong asawa ni Jesse, si Maureen, sa pagduaw kanila, ug nakigkita siya kanila sa Marso 20. Iyang gibinlan ang matag usa kanila ug kopya sa brosyur nga Sa Dihang ang Imong Minahal Mamatay ug sa video nga Jehovah’s Witnesses​—The Organization Behind the Name. Ang duha ka lalaki nagpasalamat alang sa maong mga gasa. Ang usa kanila miingon nga gipabilhan gayod niya ang maong pagduaw tungod kay bag-o lang siyang namatyan ug amahan ug nalisdan siya sa pagsagubang niini.

Tingali ikaw o usa nga nailhan nimo ang mahupayan usab sa pagbasa sa 32-panid nga brosyur nga Sa Dihang ang Imong Minahal Mamatay. Makahangyo ka ug kopya pinaagig pagpil-ap ug pagpadala sa kaubang kupon ngadto sa adres nga makita sa kupon o ngadto sa nahiangayng adres nga nalista sa panid 5 niini nga magasin.

□ Interesado akong makadawat ug kopya sa brosyur nga Sa Dihang ang Imong Minahal Mamatay.

□ Palihog kontaka ako mahitungod sa usa ka libreng pagtuon sa Bibliya sa balay.