“Akong Nadiskobrehan Pag-usab ang Nahikalimtan nga Jesus”

Human mabasa ang libro nga Ang Labing Bantogang Tawo nga Nabuhi Sukad, usa ka babaye nga taga-Saint-Jérôme, Quebec, Canada, misulat: “Nadasig ako pag-ayo nga akong nadiskobrehan pag-usab ang nahikalimtan nga Jesus, nga kasagarang gihulagway nga dili realistikanhon sa mga tigdibuho.”

Gikomentohan sa babaye ang mga dibuho sa libro: “Nakadayeg gayod ako sa mga dibuho sa inyong libro. Para nako ang mga karakter tinuod gayod nga mga tawo kaniadto, sama sa mga tawo nga buhi niadtong panahon nga si Jesus nagkinabuhi ug nagsangyaw.” Siya naghinapos: “Pahalipayan ko kamo sa pagpatik niining libroha. Kini maoy usa ka kompas nga makagiya sa mga tawong gustong molambo diha sa kamatuoran bahin kang Jesus.”

Ang Labing Bantogang Tawo nga libro naningkamot pagpresentar sa tanang hitabo sa yutan-ong kinabuhi ni Jesus nga gihisgotan sa upat ka Ebanghelyo, lakip ang iyang mga pakigpulong, mga ilustrasyon, ug mga milagro. Kutob sa mahimo, ang tanang panghitabo giasoy nga sunodsunod sumala sa gituohan nga maoy nahitabo kaniadto. Ug sumala sa gihisgotan sa ibabaw, gipakita sa libro ang maanindot, tukmang mga ilustrasyon nga gidisenyo aron atong masabtan ang pagbati ni Jesus ug sa iyang mga katalirongan.

Kon ikaw interesadong makadawat ug kopya niining 448-panid nga libro, palihog pil-api ang nagaubang kupon ug ipadala kini sa adres nga gitagana o sa nahiangayng adres nga gilista sa panid 5 niining magasina.

□ Interesado akong makadawat ug kopya sa libro nga Ang Labing Bantogang Tawo nga Nabuhi Sukad.

□ Palihog kontaka ako mahitungod sa usa ka libreng pagtuon sa Bibliya sa balay.