Usa ka Sulat Gikan sa Usa ka Hinigugma

Usa ka magbabasa nga taga-New York nagtandi sa librong Pakigsuod Kang Jehova ngadto sa usa ka sulat gikan sa usa ka hinigugma, nga nagpatin-aw: “Ang matag kapitulo makapukaw gayod sa kasingkasing ug makapatugob kanimo sa gugma alang kang Jehova.” Siya midugang: “Karon nga nahuman na nakog basa ang tibuok libro, gusto na pod nakong basahon kini pag-usab, sama sa imong himoon sa usa ka sulat gikan sa usa nga imong gimahal pag-ayo.” Tagda kon unsay giingon sa uban.

Usa ka magbabasa sa Kansas miingon: “Gibati ko gayod nga mas nasuod sa akong langitnong Amahan. Ang akong kasingkasing nahupngan sa gugma . . . Naghinamhinam ako sa pagbasag dugang kada buntag, ug basahon ko pa kini pag-usab sa makadaghan.”

Usa ka babaye nga taga-Maine nagsulat: “Dako kinig gikatabang sa pagpauswag sa akong pagsabot sa persona ni Jehova! Makapahupay gayod ang giingon diha sa panid 74: ‘Alang niadtong mamatay, walay mas luwas nga dapit kay sa panumdoman sa Diyos.’” Usa ka magsusulat sa Alaska miuyon: “Kini nakatandog pag-ayo kanako nga nanglugmaw ang akong mga luha.” Siya midugang: “Basahon ko gayod kini ug kanunay ko kining kutloon.”

Nagtuo kami nga ingon usab niana ang inyong bation kon inyong basahon kining libroha. Human sa tulo ka pasiunang mga kapitulo niini, ang libro gibahin ngadto sa upat ka seksiyon nga may mga ulohang “Mabaskog sa Gahom,” “Mahigugmaon sa Hustisya,” “Maalamon sa Kasingkasing,” ug “Ang Diyos Gugma.” Kini matapos uban sa kapitulong “Pakigsuod sa Diyos, ug Siya Makigsuod Kaninyo.”

Makahangyo ka niining 320-panid nga humok-ug-hapin nga libro pinaagi sa pagpil-ap sa nagaubang kupon ug pagpadala niana ngadto sa adres nga gitagana o ngadto sa nahiangayng adres sa panid 5 niining magasina.

□ Interesado akong makadawat ug usa ka kopya sa librong Pakigsuod Kang Jehova.

□ Palihog kontaka ako mahitungod sa usa ka libreng pagtuon sa Bibliya sa balay.