Usa ka Gasa nga Gipabilhan Pag-ayo

Ang naghatag ug ang nagdawat parehong malipay sa dihang ang gasa motagana sa panginahanglan ug kon kini gipabilhan gayod. Dili pa dugay usa ka empleyada nga taas ug posisyon sa usa ka ahensiya sa gobyerno sa Mexico misulat sa sangang buhatan sa mga Saksi ni Jehova aron magpasalamat sa iyang nadawat nga kopya sa librong Pagkakat-on Gikan sa Dakong Magtutudlo. Ang usa ka bahin sa iyang sulat nag-ingon:

“Ang kaundan niining libroha bililhon gayod. Akong nasabtan nga bisan pag ang impormasyon niini gipasukad sa usa ka karaan kaayong basahon, kini tukma sa panahon ug mapadapat sa inadlawng pagkinabuhi.

“Ingong mga ginikanan, ako kombinsido nga angay gayod natong isilsil sa atong mga anak ang mga prinsipyo nga makatabang kanila sa pagsabot kon unsay angayng himoon ug makatabang kanila nga mahimong may-katakos, matinahoron ug matinud-anon nga mga tawo diha sa kalibotan nga wala magpasundayag niini. Labaw sa tanan, angayng tabangan nato sila sa pag-ila sa paglungtad sa usa ka mahigugmaon, malulotong Supremong Persona. Tuohi ninyo ako, ang basahon nga inyong gipadala mapuslanon kaayo sa akong trabaho ug sa pagtuman sa kaakohan nga gipiyal sa atong Maglalalang ngadto sa mga ginikanan nga mao ang pagtabang sa atong mga anak nga managko ingong mga tawo nga nahigugma sa ilang mga silingan.”

Kining maong empleyada sa gobyerno nagpabili sa mga leksiyon nga iyang nakat-onan gikan sa mga pagtulon-an ug mga panig-ingnan ni Jesu-Kristo nga gipasiugda sa Pagkakat-on Gikan sa Dakong Magtutudlo. Ikaw usab mahimong modawat ug kopya niining nindot nga pagkahulagway 256-panid nga libro, nga ang panid sama ka dako niining magasina. Makahangyo kag kopya pinaagi sa pagpil-ap sa nagaubang kupon ug pagpadala niini ngadto sa gitaganang adres o sa nahiangayng adres nga nalista sa panid 5 niining magasina.

□ Interesado akong makadawat ug kopya sa librong gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.