Naayo Tungod sa ‘Karaan na Kaayong Libro’

◼ Dihang namalaybalay ang usa ka Saksi ni Jehova nga taga-Brazil, Amerika del Sur, nakahimamat siyag babaye kinsa miingon nga ang iyang ugangang babaye naayo tungod sa usa ka libro. Kay nahibulong, nangutana ang Saksi kon unsa kadtong libroha. Ang babaye miingon nga “karaan na kaayo tong libroha,” ug iyang gikuha ang daan na kaayong libro sa iyang anak nga Akong Basahon sa mga Estorya sa Bibliya.

Ang babaye miingon nga may depresyon ang iyang ugangan ug hadlok kaayog ngitngit ug kamatayon nga tungod niana siya dili mobangon. Ang anak niining babayhana nakabaton ug librong Estorya sa Bibliya ug iyang gibasahan ang iyang Lola. Nadasig kaayo ang Lola sa gibasa sa iyang apo mao nga naayo siya.

Ang Saksi miingon: “Dihang akong giingnan ang babaye nga ang maong libro gipatik sa mga Saksi ni Jehova ug ako siyang dad-an ug bag-ong kopya, siya mihangyo nga dad-an siyag duha​—ang usa para sa iyang ugangan ug ang usa para niya. Dihang akong gihatod ang mga libro, siya mihangyo pag dugang. Nakaabot ug 16 ka kopya sa libro ang iyang nakuha para sa iyang mga higala!”

Makahangyo kag kopya sa Akong Basahon sa mga Estorya sa Bibliya, nga may 116 ka estorya nga naghisgot bahin sa mga tawo ug mga hitabo sa Bibliya. Sa miaging 30 ka tuig sukad napatik kining libroha, kapin na sa 72 milyones ka kopya ang naimprenta. Aron makabaton kag kopya, pil-api ang kupon sa ubos ug ipadala kana ngadto sa adres nga makita diha sa kupon o sa tukmang adres nga gilista diha sa panid 5 niining magasina.

□ Interesado akong makadawat ug kopya sa libro nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.