Kon Unsay Gikinahanglan sa mga Bata sa Ilang Ginikanan

Ang mga bata karon daghan kaayog makitang kapintasan ug law-ayng mga buhat. Busa sila mas nagkinahanglag moral ug espirituwal nga giya. Asa makakaplag ug tabang ang mga ginikanan sa pagtudlo sa ilang mga anak? Daghang malamposong ginikanan midangop sa Bibliya, kay ilang giila nga ang giya niini bahin sa kinabuhi ug moralidad dili hitupngan.

Aron matabangan ang mga ginikanan sa pagtudlo sa ilang mga anak, ang mga Saksi ni Jehova nag-imprenta ug librong Pagkakat-on Gikan sa Dakong Magtutudlo. Ang 48 ka kapitulo niini nga basahon naglakip sa mga ulohang: “Ang Pagkamasinugtanon Manalipod Kanimo,” “Kon Nganong Kita Angayng Magpasaylo,” “Kon Nganong Angayng Dili Kita Mamakak,” “Tabang Aron Mabuntog ang Atong mga Kahadlok,” ug “Kon Nganong Kinahanglan Kitang Mobuhat.”