Pagbisita sa Panama

ANG Panama ilado sa kanal niini, nga agianag barko tali sa Atlantic Ocean ug sa Pacific Ocean. Apan kay kini natung-an pod sa North ug South America, dinhi mag-abot ang mga tawo niini nga mga kontinente. Ang mga tawo dinhi lainlaig rasa ug kultura. Ang kinabag-an sa populasyon mga mestiso​—may dugo nga nitibo ug dugo nga taga-Europe.

Sa 1501, dihang nangabot sa Panama ang Katsila nga mga eksplorador, daghan silag nakit-an nga lainlaing grupo sa mga nitibo, ug may nahibilin pa niining mga grupoha karon. Ang usa niini mao ang Guna (kaniadto gitawag ug Kuna). Kadaghanan sa mga Guna namuyo sa San Blas Archipelago ug ubay sa Caribbean Coast duol sa utlanan sa Panama ug Colombia. Sila mangayam, mangisda, ug mananom.

Kon ang lalaki nga Guna magminyo, siya moipon ug puyo sa ginikanan sa iyang asawa ug magserbisyo kanila. Makalain lang silag puyo kon makaanak na sila ug babaye.

Dunay 300 ka kongregasyon sa mga Saksi ni Jehova sa Panama. Gawas sa Kinatsila, duna poy mga tigom sa pinulongang Chinese, English, Gujarati, Guna, Haitian Creole, Ngabere, ug Panamanian Sign Language.