Unang Hari sa Israel Ngadto sa Pagkabihag sa Babilonya

Si Saul nahimong unang hari sa Israel. Apan si Jehova nagsalikway kaniya ug nagpili kang David puli sa iyang dapit. Sa Batan-on pa, si David nakigsangka sa higanteng si Goliat. Sa ulahi mikalagiw siya gikan sa nasinang Haring Saul. Unya ang matahom nga Abigail nagpugong kaniya sa pagbuhat sa usa ka binuang butang.

Sunod kita makakat-on mahitungod sa anak lalaki ni David nga si Solomon, kinsa mipuli kang David ingon nga hari sa Israel. Ang unang tulo ka hari sa Israel nagmando sa 40 ka tuig ang matag usa. Sa kamatayon ni Solomon, ang Israel nabahin ngadto sa duha ka gingharian, ang amihanan ug ang habagatang gingharian.

Ang amihanang gingharian nalaglag sa 257 ka tuig sa ulahi pinaagi sa mga Asirianhon. Unya, 133 ka tuig sa ulahi, ang habagatang gingharian nalaglag, ug ang mga Israelita gidalang bihag sa Babilonya. Busa ang Bahin KUWATRO mikobreg 510 ka tuig sa kasaysayan.