Hapin sa Sulod

Minahal Namong mga Batan-on,

Gimahal gayod kamo sa inyong langitnong Amahan, si Jehova nga Diyos. Gusto niya nga magmalipayon kamo. ‘Apan posible ba gyod nga magmalipayon karon?’ tingali makapangutana kamo. Makataronganon kana nga pangutana tungod sa kadaghan sa atong problema nga makawala sa atong kalipay. Apan anaa ang atong mahigugmaong Amahan nga motabang kanato! Ang iyang Pulong makagiya kanato sa pagsagubang niining kinabuhi nga punog problema. Bisag dugay nang gisulat ang Bibliya, ang mga tambag niini mapuslanon gihapon karon.—Salmo 119:98, 99; 2 Timoteo 3:16, 17.

Among gipatik kining libroha kay gimahal namo kamo. Buot namo nga magmalipayon ug magmalamposon ang inyong kinabuhi. Busa amo kamong gidasig, dili lang sa pagbasa sa tibuok libro, kondili sa pagkonsulta usab niini kanunay kon makaatubang kamog mga problema. Ang usa sa mga katuyoan niining libroha mao ang pagtabang kaninyo nga makabatog maayong komunikasyon sa inyong ginikanan. Hinaot nga basahon o tun-an ninyo kini ingong pamilya. Pahimusli ninyo ang kaalam ug kasinatian sa inyong ginikanan!

Nagmahal kaninyo,

Nagamandong Lawas sa mga Saksi ni Jehova