AVIM

1. Ang unang mga lalin niining bahin sa yuta sa Canaan nga nahimutang pakasadpan paingon sa Gaza. Kap-atan ka tuig human sa Pagpanggula, gisulti ni Moises, sa kinadak-ang bahin, kon sa unsang paagi kini nga mga Avim gipapahawa sa mga Captorim. (Deu 2:23) Sa hapit nang mamatay si Josue, sa mga tungatunga sa ika-15 nga siglo W.K.P., may nahibilin pa gihapon nga mga Avim.​—Jos 13:​1, 3.

2. Usa ka siyudad sa Benjamin, nga gitala taliwala sa Bethel ug Para diha sa Josue 18:21-23. Lagmit nga kini gipuy-an sa nahibiling mga membro sa tribo sa mga Avim. Gituohan nga mao kini ang Khirbet Haiyan (Horvat Hayan), mga 4 km (2.5 mi) sa SHS sa Bethel (Beitin), sumala ni F.-M. Abel.​—Géographie de la Palestine, Paris, 1938, Tomo II, p. 257.