BET-ARABA

[Balay sa Desyertong Kapatagan].

Usa sa unom ka siyudad sulod sa teritoryo sa Juda nga gihubit ingong didto “sa kamingawan.” (Jos 15:61) Gigamit kini sa paghubit sa samang mga utlanan tali sa mga tribo ni Benjamin ug Juda. (Jos 15:6) Bisan tuod gitala ingong sulod sa pahat nga teritoryo sa tribo ni Juda, kini human niadto gihisgotan nga iya sa Benjamin, tungod tingali kay ang dapit maoy usa ka sakop nga siyudad sa mga Benjaminhon. (Jos 18:​21, 22) Ang nahibiling ebidensiya sa maong ngalan mahimong makita diha sa ngalan nga ʽAin el-Gharabah, usa ka tubod sa A nga bahin sa Wadi el Qilt nga mga 6 km (3.5 mi) sa SHS sa Jerico. Tungod niini mahimong ikaingon nga kini nahimutang sa desyertong rehiyon sa A nga tumoy sa Patayng Dagat.