BET-MERHAK

[Balay sa Halayo; Layo nga Balay].

Sa dihang mibiya si Haring David sa Jerusalem tungod sa pagrebelde sa iyang anak nga lalaking si Absalom, siya mihapit sa Bet-merhak, lagmit ang kataposang balay sa Jerusalem paingon sa Bukid sa mga Olibo una pa motabok sa Walog sa Kidron. (2Sa 15:​17, 23) Mopatim-aw nga niining higayona gisusi ni Haring David ang iyang kasundalohan samtang sila mitabok sa walog, nga nagpailang si David wala mohimog dinalidali nga pagkalagiw apan mihimog organisadong pagbiya gikan sa siyudad.​—2Sa 15:18-26.