BAGAHAN

Sagad nga kini maoy usa ka galamiton sa pagpainit nga may usa ka samag kalaha nga sudlanan nga gipakawan gikan sa yuta pinaagig mga tiiltiil ug gidisenyo aron butangan sa nagsigang mga baga o uling. Ang Hebreohanong pulong nga gihubad nga “bagahan” (ʼach) naggikan sa Ehipto, nga nagsugyot nga ang bagahan giimbento sa Ehipto.

Mopatim-aw nga sa mas nindot nga mga balay ang bagahan nahimutang sa usa ka hulpa diha sa salog sa balay, diin mahimong maghaling ug kalayo. Si Haring Jehoiakim adunay usa ka bagahan, nga lagmit hinimo sa metal, diha sa iyang balay alang sa tingtugnaw.​—Jer 36:​22, 23.