MATAN

[Gasa].

1. Usa ka saserdote ni Baal nga gipatay atubangan sa mga halaran didto sa balay niining bakak nga diyos. Nahitabo kini sa dihang ang katawhan, nga gipangunahan ni Jehoiada nga saserdote ni Jehova, naglumpag sa balay ni Baal ug naglaglag sa iyang mga halaran maingon man sa iyang mga larawan. Nianang panahona ang mangingilog sa trono nga si Atalia gipatay, ug si Jehoas gipalingkod ingong hari sa Juda.​—2Ha 11:16-21; 2Cr 23:17.

2. Ang amahan ni Sepatias nga maglulutos ni Jeremias.​—Jer 38:​1, 4-6.

3. Usa ka katigulangan ni Jose nga amaama ni Jesu-Kristo. Lagmit nga si Matan maoy apohan ni Jose.​—Mat 1:​15, 16.