AGUP-OP

Usa sa daghang sakit nga motapot sa tanom. Ang pagkadaot sa pananom tungod sa agup-op maoy usa sa mga katalagman nga naagoman sa dili-matinumanong Israel. (Deu 28:22; 1Ha 8:37-39; 2Cr 6:28-30; Am 4:9; Hag 2:17) Gituohan nga ang agup-op nga gihisgotan sa Bibliya lagmit maoy itom nga agup-op diha sa punoan sa tanom (Puccinia graminis). Kining grabe nga parasitikong sakit maghikaw sa mga tanom sa gikinahanglang pagkaon ug tubig ug tungod niana mokaging ang mga lugas. Ang gagmayng puntikpuntik nga samag taya makaplagan diha sa mga punoan ug sa mga dahon sa nataptan nga lugasong mga tanom.