TABILI SA TUBIG

[Heb., leta·ʼahʹ].

Usa ka gamayng tabili o ikogan nga hayop nga mabuhi sa tubig ug kamad-an, walay himbis ug may humok, umogon, nipis nga panit. Kini maoy kapamilya sa mga baki ug gitala nga lakip sa mahugaw nga mga linalang sa Moisesnong Balaod. (Lev 11:​29, 30) Ang tabili sa tubig (Triturus vittatus) sa Asia Minor ug sa Sirya mailhan pinaagi sa itom nga budlis diha sa matag kilid sa lawas niini. Kini gipanganak diha sa tubig apan mopuyo sa kamad-an sulod sa duha o tulo ka tuig human matangtang ang mga hasang niini, dayon mobalik kini sa tubig aron mopuyo niini sa nahibiling bahin sa iyang kinabuhi.