ESCEVA

Usa ka Hudiyong “pangulo nga saserdote.” Ang iyang pito ka anak nga lalaki maoy lakip sa “nanaglibod nga mga Hudiyo nga nanghingilin ug mga demonyo.” Sa usa ka hitabo, sa siyudad sa Efeso, sila misulay sa paghingilin sa usa ka demonyo pinaagi sa pag-ingon, ‘Ako ugdang nga nagmando kanimo pinaagi ni Jesus nga ginawali ni Pablo.’ Ang daotang espiritu misanong pinaagi sa pag-ingon: “Ako nakaila kang Jesus ug ako nasinati kang Pablo; apan kinsa man kamo?” Unya giluksohan sa tawong gisudlan sa espiritu ang pito ka anak nga lalaki ni Esceva ug giabog sila pagawas sa balay nga hubo ug samdan. Tungod niini napadako o nabayaw ang ngalan sa Ginoo ug daghan ang namati sa maayong balita nga gisangyaw ni Pablo.​—Buh 19:13-20.

Wala maghisgot ang ubang teksto ug Hudiyong saserdote nga ginganlan ug Esceva, gawas kon ang Esceva maoy Latin nga ngalan sa usa ka saserdote nga sa laing paagi nailhan sa usa ka Hebreohanong ngalan.