SHUAH

Ang ikaunom ug kataposang ginganlan nga anak nga lalaki ni Abraham pinaagi sa iyang ikaduhang asawa nga si Ketura. (1Cr 1:32) Si Shuah ug ang iyang lima ka igsoong lalaki nakadawat ug mga gasa gikan kang Abraham ug gipalakaw sila gikan sa iyang panimalay paingon sa S. (Gen 25:​1, 2, 5, 6) Ang mga kaliwat ni Shuah, ang mga Shuhanon, gihunahuna sa pipila nga nanimuyo ubay sa Euprates tali sa duha sa tinubdang mga sapa niini, ang Balikh ug Khabur. Ang bugtong Shuhanon nga ginganlan sa Bibliya mao ang higala ni Job nga si Bildad.​—Job 2:11.