NOA

[Heb., No·ʽahʹ].

Usa sa lima ka anak nga babaye ni Zelopehad, sa tribo ni Manases. Tungod kay si Zelopehad namatay nga walay anak nga lalaki, si Jehova nagsugo nga ang iyang mga anak nga babaye kinahanglang makadawat sa tribonhong kabilin sa ilang amahan ingong panulondon. Giestablisar niini ang usa ka legal nga sulondan. Sa ulahi giestablisar usab nga ang manununod nga mga anak nga babaye kinahanglang mahimong asawa sa mga lalaki nga naggikan sa ilang kaugalingong tribo aron magpabilin kanila ang panulondon, ug sa ingon kini dili mahiadto sa lainlaing tribo.​—Num 26:28-33; 27:1-11; 36:6-12; Jos 17:​3, 4.