“Nagapiit sa Ekonomiya”

“Ang kalibotan anaa sa ngilit sa tawhanong katalagman ug sa politikanhong kalaglagan,” misulat si Charles Maynes, editor sa Foreign Policy nga magasin ug kanhi luyoluyong sekretaryo sa estado sa T.B. diha sa The Guardian. Gisabot niya nga ang dako kaayong utang sa kalibotan nagadaot sa politikanhong mga gambalay sa kanasoran sa Ikatulong Kalibotan sa punto nga makaduslit sa mapintasong mga rebolusyon. “Nasinati sa nagkaugmad nga kanasoran ang pagpiit sa ekonomiya nga nagadaot sa mga kahimoan sa daghang dekada,” miingon si Maynes. “Ang kanasorang nakabatog kaugalingnan sa sinugdanan sa katuigang I960 ug misugod sa palakaw sa pagpamoderno sa sinugdanan sa katuigang 1970 karon gihimong dili na moderno. Ang mga proyekto nga gikapitalan wala maglihok, ang kabataan wala tudloi, ang sakit nagdagsang, ang mga makililimos nagapuno sa mga kadalanan nga sa mga dekada sila wala diha, ang katawhan nagapangawat sa mga tindahag pagkaon . . . Nakita sa tibuok nga mga kontinente nga nahanaw ang ilang mga paglaom sa umaabot.”

Niining lisod nga mga panahon, pagkaangayan ang pagpamati sa maalamong mga pulong sa salmista: “Bisan kon modaghan ang imong mga bahandi, ayaw pagsalig kanila.” Hinunoa, sunda kon unsay iyang gibuhat: “Ako nagasalig sa Diyos lamang; ako nagalaom diha kaniya.”—Salmo 62:5, 10, Today’s English Version.