Unsaon Nimo sa Pagbadlong sa Imong mga Anak?

DILI kini masayon, hayan mouyon ang kadaghanang mga ginikanan. Ang mga ginikanan sa mga batang diyes ug siyete anyos nag-asoy kon sa unsang paagi ang mga librong Pagpatalinghog sa Dakong Magtutudlo ug Ang Imong Pagkabatan-on​—Pagpahimulos sa Labing Maayo Niini nakatabang ug dako.

“Kon gikinahanglan nga among badlongon ang among mga anak,” sila misulat, “makigsulti kami kanila ug susihon kon unsay problema, pananglitan, sa dili pagpakitag gugma sa anak o sa kakulang sa pagtahod kanamo ingong mga ginikanan. Dayon among sugoon sila sa pagbasa, diha sa pribasiya sa ilang kaugalingong lawak, sa tukmang kapitulo gikan sa usa niining duha ka libro. Sugoon usab namo sila sa pagpangita sa pila ka teksto ug basahon kini.”

Ang resulta? “Sa paggula nila sa pagsulti kanamo nga nakatapos na sila ug andam sa pagrepaso sa ulohan ug sa mga teksto uban kang Papa o Mama, pagkadako nga kausaban!” Mahitungod sa ilang siyete-anyos, nga may pagkalig-on ug buut, sila misulat: “Bisag masuk-anong magbundakbundak siyang mopaingon sa iyang lawak, mogula siyang mapahiyomon ug moingon, ‘Nakita kong nasayop ako. Pasayloa ako!’”

Kon usa ikaw ka ginikanan o may nasayrang mga ginikanan nga nagkinahanglag tabang sa pagdisiplina sa ilang mga anak, nganong dili mokuha niining dili mahal nga mga libro? Sila tinuod nga makatabang ug dako sa pagmatuto ug mga bata.

Palihog ipadala, binayran nang prangkiyo, ang gahig-hapin, 192-panid nga mga librong Pagpatalinghog sa Dakong Magtutudlo ug Ang Imong Pagkabatan-on​—Pagpahimulos sa Labing Maayo Niini. Gisukip ko ang ₱28.